Fyrrverandi stjórnlagaþingsfulltrúar...

Á þetta ekki að vera "fyrrverandi stjórnlagaþingsfulltrúa" það er búið að afturkalla kjörbréfin.

Að kalla þetta stjórnlagaþing þjóðarinnar er bara alrangt. Þetta er spjallþing menningarvitaklíkunnar á höfuðborgarsvæðinu um uppbyggingu stjórnarskrárinnar sem allt í einu er orðin miklu mikilvægara verkefni en uppbygging atvinnulífs og starfa, koma á hagvexti og efla þjóðina til dáða. Við þurfum ósköp einfalda stjórnarskrá ef 30-50% landsmanna flytur úr landi vegna örbirgðar á næstu árum og áratug.

Rekstur og laun spjallþings fyrir 25 "vitringa" kostar skattborgarana hundruðir milljóna að viðbættum kostnaði við að tvíkjósa á þingið. Þessir peningar gætu tryggt framtíðaratvinnu fyrir hundruð manns og ekki þyrfti að skera niður mörg störf í t.d. heilbrigðisgeiranum eins og nú er verið að gera. Frekar kysi ég að geta haldið úti læknum og hjúkrunarfólki úti á landsbyggðinni og að fólk deyi ekki vegna lélegrar heilbrigðisþjónustu í landinu, en að Alþingi fái eitthvert uppkast af hugmyndum 25 "sérfræðinga" um stjórnarskrár sem alveg eftir pólitískum vindum engin veit hvort nokkurt vit er í eða verði notað.

Ögmundur fundar með stjórnlagaþingsfulltrúum

Fyrsti steinkastarinn

Björn Valur Gíslason gengur reigður um sali Alþingis og "pönkast" á samstarfsfólki sínu.Hann hendir skít í fólk og segir svo "úps þetta átti að fara í þig" og gengur svo hlægjandi burt.

Ekki held ég að öllum af skyldfóli hans finnist hann eins tilkomumikill alla vegana ekki þeim sem þurftu að taka á sig skuldir Björns Vals og missa eigur sínar fyrir en einnig þá yppti hann bara öxlum.

Biður Kristján Þór afsökunar

Heimaskítsmát

Buchheit þessi er kominn af þýskum kvekurum sem flúðu til USA um 1820 sennilega á flótta undan Napóleon og settust að í Pennsilvaníu og gerðust miklir Biflíu- og predikunarmenn.
Hvar fundum þeirra Guðríðar Lilju bar saman er ekki upplýst en varla hefur það verið á pick-up bar þar sem Buchheitarnir eru komnir af þýskum trúarhita og reglusemi. Sennilega hefur það þó verið tengt skákborðinu en ljóst er að Lee Buchheit þekkir vörnina við heimaskítsmáti betur enn Svavar nokkrur Gestsson.

Úrslitaatriði að fá Buchheit að borðinu

98% þjóðarinnar sá vitleysuna en ekki Steingrímur

Hrokinn og sjálfbirgingshátturinn er með ólíkindum hjá pari aldarinnar Steingrími J og Jóhönnu, afturhaldinu í íslensku þjóðlífi.

Ef eitthvað var þá lá á borðinu að segja nei við Svavarssamningnum sem var fullkomlega brot á öllum siðferðislögum og beint brot á stjórnarskrá og landslögum. Margir hafa kallað þessa tilraun til að setja börnin okkar í þrældóm landráð.

Nú kemur þessi maður og ætlar að selja þjóðinni að hann hafi ekki getað annað en krafist þess að við tækjum á okkur þessar byrðar vegna aðstæðna sem þá voru.

Skömm ykkar er enn uppi og mun verða um aldir alda, og það á við um alla þá sem börðust fyrir samþykki Svavarssamningana.

„Risaáfangi í endurreisn Íslands“

Jólasveinar fjölmiðla Icesavespekingar

Hverjar eru eiginlega lágmarkskröfur til íslenskra fréttamanna. það var fyrir neðan allar hellur að sjá og heyra þekkingarleysið og metnaðarleysið í spurningum fréttamanna á fréttamannafundi Icesavenefndarinnar.

"Er þetta ekki bara flottur díll" ekkert efnislegt að viti og ekki spurt t.d. Lárus Blöndal nefndarmann og upphafsmann að dómstólaleiðinni hvort hann teldi þetta gera hana óþarfa nú og hvort hann væri búinn að missa trúna á sakleysi íslenskra skattgreiðenda í málinu.
Eins hefði verið gaman að heyra frá Lee Buchheit hvort hann teldi að Ólafur Ragnar ætti að vísa þessum samningi til þjóðarinnar eins og hann gerði við síðasta samning.

En nei "höfðu bresku og hollensku samningamennirnir pólitískan bakhjarl" hvaða blessaða máli skiptir það í allri heildarmyndinni.

Kostnaður 50 milljarðar

Enn verður minna í pokunum fyrir ölmusufólk norrænu velferðarstjórnarinnar

Laun hafa hækkað um 6% að meðaltali á s.l. 12 mánuðum og enginn finnur þess merki í peningaveskinu eða við matarkaupin.

Málið er að við fáum 2,5% minna fyrir hverja krónu úti í búðinni þó svo að launin hafi hækkað um þessi 6% að meðaltali svo nú er að herða á ólinni um eitt gat í viðbót.

Fyrir þá 12-13.000 menn og konur sem enn ganga um atvinnulausir og þau 4-5.000 manns sem þurfa á matarhjálp frá hjálparstofnunum í hverjum mánuði að halda hafa þessar tölur nákvæmlega enga merkingu.

þessi skömm Jóhönnu og Steingríms J og flokka þeirra er brennd á síður sögunar um ókomna framtíð.

Kaupmáttur minnkar

Forysta VG styður forystu VG

Stórkostleg mynd af forystusauðum VG sem álikta um "ótvíræðan stuðning" við forystu VG. Var ekki einhver þeirra að segja að angar kolkrabbans liggi enn víða. Á mydinni má sjá VG kolkrabbann teygja úr öngunum.

„Ótvíræður stuðningur“

Langtíma dvalarleyfi umhverfisráðherra í Nagoya

Er nokkur von til þess að Umhverfisráðherra geri það í þágu atvinnuuppbyggingar á Íslandi að dveljat í svona eins og 3-4 ár í Nagoya í Japan þar sem hún sækir enn eina ráðstefnuna. Komi bara heim til þáttöku í næstu alþingiskosningum.

Með þessu er von til þess að hægt verði að hefja viðreisn landsins úr bankakrísu eldstónni og um leið núllstilla fylgi VG til framtíðar.

Hvað varðar tillögur sjálfstæðismanna í atvinnu- og efnahagsmálum þá sýnist mér um mjög skynsamar tillögur að ræða og gott að sjálfstæðismenn eru að ná úr sér baugsáróðurshrollinum og kominn tími til að blása til sóknar.

Bólginn borgarstjóri

Það er vonandi að pensilínið sé breiðvirkt og nái að minka bólguna í sjálfsvitund borgarstjórans og að kláðinn í súlum Ingólfs Arnarsonar á hendi hans verði til þess að hann fari að klóra sér í hausnum yfir niðurníddi stjórnun og ómannúðlegri framkomu kerfiskalla borgarfyrirtækja.

Reykjavík þarf ekki enn einn Dag og því síður gamlan  útbrunnin gamanleikara sem er orðin patetísk andhverfa af sjálfum sér. Við þurfum peniga til að hjálpa fátækum í borginni, stjórnendur sem vinna með starfsfólki en ekki á móti því og síðast en ekki síst borgarstjóra sem er forystumaður á ögurstund en ekki fígúra.

Á Jónina Rós hrós skilið?

 Menn mikla sig af ýmsu en nú bregður bleik í brún er fólk sem vill láta taka sig alvarlega er farið að hreykja sér af vélbrögðum og pólitískum ofsóknum. Það að segjast vera hreykin af því að verða til þess að manni sé stefnt til að fara í pólitískt fangelsi lýsir innræti sem ekki hefur sést áður í íslenskum stjórnmálum. Hver samfylkingarþingmaðurinn á fætur öðrum sté í pontu á þingi og sagðist berjast fyrir bættri stjórnmálamenningu á Alþingi og nú skyldu menn taka höndum saman og verja heiður og menningu þingsins til framtíðar. Svo mörg voru þau orð. Á meðan voru sömu þingmenn að véla um hvernig þeir ættu að beita atkvæði sínu til að fara á bak við meirihlutasamþykkt eigin flokks og stefna Geir H.Haarde í pólitískt fangelsi , já þvílíkir heiðursmenn og konur.

Ég tek undir með Einari G. Guðfinnssyni - "Skömm ykkar mun lengi uppi á Alþingi",og spái ég því hér að vera ykkar þar mun verða öllu skemmri.

Kaus öðruvísi og er stolt af því segir Jónína Rós