Fyrrverandi stjórnlagaþingsfulltrúar...

Á þetta ekki að vera "fyrrverandi stjórnlagaþingsfulltrúa" það er búið að afturkalla kjörbréfin.

Að kalla þetta stjórnlagaþing þjóðarinnar er bara alrangt. Þetta er spjallþing menningarvitaklíkunnar á höfuðborgarsvæðinu um uppbyggingu stjórnarskrárinnar sem allt í einu er orðin miklu mikilvægara verkefni en uppbygging atvinnulífs og starfa, koma á hagvexti og efla þjóðina til dáða. Við þurfum ósköp einfalda stjórnarskrá ef 30-50% landsmanna flytur úr landi vegna örbirgðar á næstu árum og áratug.

Rekstur og laun spjallþings fyrir 25 "vitringa" kostar skattborgarana hundruðir milljóna að viðbættum kostnaði við að tvíkjósa á þingið. Þessir peningar gætu tryggt framtíðaratvinnu fyrir hundruð manns og ekki þyrfti að skera niður mörg störf í t.d. heilbrigðisgeiranum eins og nú er verið að gera. Frekar kysi ég að geta haldið úti læknum og hjúkrunarfólki úti á landsbyggðinni og að fólk deyi ekki vegna lélegrar heilbrigðisþjónustu í landinu, en að Alþingi fái eitthvert uppkast af hugmyndum 25 "sérfræðinga" um stjórnarskrár sem alveg eftir pólitískum vindum engin veit hvort nokkurt vit er í eða verði notað.

Ögmundur fundar með stjórnlagaþingsfulltrúum

Athugasemdir

[Baldur Hermannsson, 1.2.2011 kl. 14:04]

Hlægilegast er samt að sárafáir af þessum 25 einstaklingum hafa hundsvit á lögspeki. Myndir þú gera Þorvald Gylfason að skiptsjóra á loðnuskipi? Nei, ég hélt ekki ..... en það er jafn fráleitt að fela honum að semja stjórnarskrá fyrir Ísland. Við eigum að hætta þessu bulli, setja Sigurð Líndal í verkið því hann er okkar fremsti lögspekingur, virtur af öllum sem til hans þekkja, og hann getur haft sér til halds og trausts 4-6 aðra lögvitringa. Verkið myndu þeir svo vinna á einni viku og við fengjum miklu merkilegra plagg en það sem fúskararnir 25 gætu nokkurn tíma framleitt.