Davíð Oddson og Geir H haarde eiga heiðurinn..

Davíð Oddsson skóp stefnuna um að færa ekki skuldir óreiðumanna yfir á almenning og að láta bankana fara á hausinn frekar en að henda góðum peningum skattborgaranna á bál fjárglæfra.

Geir H haarde sagði, heimilin hafa forgang og var það markmið neyðarlagana.

Jóhanna og Steingrímur hafa í samvinnu við AGS, framkvæmt algjörlega þvert á þessa stefnu samanber "Skjaldborgina um heimilin"sem aldrei var ætlunin að standa við, Icesave sem hefði sett þjóðina á barm gjaldþrots og svo til að trompa fleðuhátt sinn við fjármagnsfyrirtækin sem voru komin með nýjan spena, var fjármununum sem sköpuðust við endurreisn bankana og fyrri ríkisstjórn hafði eyrnamerkt skuldsettum heimilum, afhennt kröfuhöfum sem eru braskarar út í heimi.

Eitt hefur þeim skötuhjúunum tekist, þau hafa blekkt umheiminn og allt of marga Íslendinga um að þau séu björgunarliðið, þegar löngu ljóst er að þau eru í liði með spillingaröflunum.

Íslenska leiðin til fyrirmyndar

Athugasemdir

[Pétur (IP-tala skráð) 22.7.2011 kl. 12:57]

Já það er sko satt. Saman eiga þeir DO og GHH allan heiðurinn af hruninu. Við munum lengi mæra þá blessuðu fýra fyrir sína óendanlegu visku við einkavæðingu bankanna, markaðsfrelsið ótakmarkaða sem gaf íslensku ofurbisnissmönnunum lausan tauminn þannig að þeirra hreinræktaða íslenska víkingseðli var óheft og óbeislað. Þeir vildu sko alls ekki bjarga bönkunum, enda komu bankastjórarnir að tómum kofum í Seðlabankanum í tíð DO eins og kunnugt er.

[Árni Gunnarsson, 22.7.2011 kl. 13:08]

Ætli þessi hagfræðingsbjálfi sé nokkuð að meina reddinguna á Sparisjóði Keflavíkur, eða hafi kannski ekki heyrt af henni?

Svo er líka hugsanlegt að í hans huga séu þessir fáu en stóru fjármagnseigendur sem bjargað var, - milljarðamæringarnir - bara "fólkið" í eiginlegri merkingu.

[Sveinn Úlfarsson (IP-tala skráð) 22.7.2011 kl. 13:22]

Þú ert greinilega svo illa haldinn af DO heikenninu að staðreyndir eru þér óskiljanlegar.

Sennilega ertu alinn upp í sama sauðahúsi og Björn Valur Gíslason og fleiri sem vilja láta ráðstjórnina taka allar ákvarðanir í daglegu lífi ykkar og færð víðáttufóbíu ef orðið frelsi er í umræðunni. Nenni ekki að hártogast við heilaþvegið fólk.

[Sveinn Úlfarsason (IP-tala skráð) 22.7.2011 kl. 13:37]

Athugasemd nr 3 var til "Péturs" ekki þín Árni. Já Sparsj. Kef er náttúrulega slík snildarredding að hagspekingar um allan heim standa á öndinni. Fyrst eru stjórnendum skuldasúpunnar leyft að labba frá öllum pakkanum og engar spurningar um möguleg svik, svo er peningum sem gætu endurreist allt heilbrigðiskerfið hennt á bálið og skattborgurum landsins (eins og alltaf) gert að borga drullumallið.

 Þessi erlendi hagspekingur er svo gjörsamlega út á túni að maður biður alla góða vætti að bjarga þeim sem á hann hlusta.

[Jón Ríkharðsson, 26.7.2011 kl. 01:24]

Þeir sem að eru læsir og fylgjast með því sem er að gerast í öðrum löndum vita það, að hrunið átti sér stað ansi víða, án þess að Davíð og Geir hafi komið þar nokuð nærri, þeir voru víst aðallega á Íslandi.

Það þótt með ólíkindum, hversu vel gekk að halda greiðslumiðlun við útlönd gangandi, fyrst eftir hrun, þá óttusðust menn vöruskort. Viðbrögð stjórnsýslunnar í kjölfar hrunsins voru mjög góð, en vissulega ekki fullkomin, það er alltaf hægt að gera betur.

En þótt bankar hafi farið á höfuðið í mörgum löndum, þá hefur þó engum dottið þessi vitleysa í hug, að lögsækja stjórnmálamenn fyrir áhættusækni bankanna.

Ríkissjóður stóð vel vegna ábyrgrar aðgerða, niðurgreiðslu lána osfrv., þeir höfðu líka vit á að láta vinstri menn ekki hræra í sér varðandi stóraukin ríkisútgjöld.

Sveinn, þú þekkir sögu flokksins og manst eftir árásunum á Ólaf Thors, en Jónas frá Hriflu var þar framarlega í flokki.

Samt kunni Jónas alltaf vel við Ólaf, skrifaði falleg um hann þegar ólafur lést og Jónas sóttist mjög eftir félagsskap Ólafs Thors.

Þegar Jónas var kominn á efri ár var hann spurður að því, hvers vegna hann hafi látið svona við Ólaf, ef honum líkaði svona vel við hann, en í þessu samtali var Jónas að hrósa Ólafi í hástert. Jónas svaraði því til, að svona væri bara pólitíkin, hægt er að lesa þetta í ævisögu Ólafs sem Matthías skrifaði, en Matthías birti það, hvaðan hann hafði fengið viðtalið við Jónas, það kemur fram í bókinn, svo vinstri menn haldi ekki að þeta sé uppspuni.

Förum svo nær okkur í tíma.

Þegar Davíð hætti árið 2005 talaði Steingrímur vel um Davíð og sagðist spenntur að vita, hvort arftaki hans yrði eins öflugur. Sá sami Steingrímur sóttist eftir samstarfi við sjálfstæðismenn eftir kosningarnar 2007, hann bauð Geir í sumarbústað tengdaforeldra sinna, en Geir þáði víst ekki boðið.

Nú er auðvelt að hrekja þetta, því engar beinar sannanir liggja fyrir þessu, en í viðtali við Stöð 2. sem hægt er að sjá á you to be sagðist Steingrímur ekki setja neina úrslitakosti, ef kæmi til samstarfs við sjálfstæðismenn.

Vegna andstöðu VG við Sjálfstæðisflokinn gat Steingrímur ekki sagt hreint út, að hann óskaði eftir samstarfi, en hann virtist ekkert neikvæður á það, hægt er að grafa upp fleiri heimildir sem staðfesta áhuga Steingríms á samstarfi við Geir.

Þá komum við að kjarna málsins, VG er ekki hugsjónaflokkur frekar en forverarnir, Sósíalistar og ABL, þeir leggja öl prinsipp til hliðar, ef þeir komast til valda.

Þú manst eftir hræðslubandalaginu Sveinn, en þá komu vinstri flokkarnir sér saman um að halda sjálfstæðismönnum frá völdum.

Sósíalistar lofuðu kjósendum sínum því, að reka herinn í burtu og fara úr NATO, en hvað gerðist?

Jú Bandaríkjamenn buðu þeim lán á góðum kjörum og þar sem vinstri menn vilja frekar taka lán, heldur en að skapa verðmæti, þá leyfðu þeir hernum að vera og þáðu að sjálfsögðu lánið.

Varla þarf að fara mörgum orðum um svik VG í sambandi við ESB.

Ég gæti skrifað margt um svik og lygi SF, en ég læt þessar upprifjanir nægja að sinni.

Ég hvet fólk til að lesa hina stuttu stjórnmálasögu lýðveldisins, fara á netið og skoða heimildir þar.

Þá sjá menn, að vinstri flokkarnir hafa enga hugsjón aðra en þá, að halda Sjálfstæðisflokknum frá völdum og það hefur alltaf reynst illa.

Ætli Steingrímur segi þegar hann verður orðinn gamall og hættur í pólitík, ef hann verður spurður um árásirnar á góðmennið Geir H Haarde. en hann sagði Geir vera góðmenni þegar hann kærði Geir með sorg í hjarta, eins og Jónas frá Hriflu; "þetta er nú bara pólitík".