Ólafur, loksins einhver sem bítur frá sér

Hélt að ég myndi aldrei segja þetta en Ólafur má eiga það hann er forystumaður. Það er það sem nú þarf þegar tómir kjúklingar hlaupa um hauslausir í ríkisstjórn Íslands.

Okkur vantar fleir forystumenn á sviðið.

Ömurleg frammistaða Moody's

Er Árni Þór kominn á steypirinn

Sýnist stutt í að Árni fari í fæðingaorlof sjálfur ef marka má myndina með þessari frétt. Þá getur Guðfríður "kúppað" á hann tilbaka.

Guðfríður Lilja sett af

Stjórnlagastarfskraftar umboðslausir

Umboðið er ekki veikt það er ekkert umboð. Þetta fólk var ekki kosið löglegri kosningu af þjóðinni og hefur því ekki umboð hennar.

Þetta eru skipaðir gæðingar Samfylkingarinnar og VG og sem slíkir algjörlega ómarktækir.

Veikt umboð stjórnlagaráðs

Vitleysingjavaktin

Á nokkrum mánuðum eru ófyndnu aular búnir að eyðileggja skóla og leikskólakerfi borgarbúa, öll þjónusta í borginni er að ná norður Kóreu í þjónustuleysi, útsvarið er komið í hæstu leyfilegar hæðir, rafmagn, hiti og vatn er að verða það dýrasta í Evrópu og nú eru þeir að fara ránshendi um varasjóði borgarbúa sem hefur verið hryggjarstykkið í góðri sveitarstjórn í borginni til áratuga.

Hélt að þeir myndu ekki ná að gjörrústa sterkri stöðu Reykjavíkurborgar á einu kjörtímabili - þeir eru búnir að því á nokkrum mánuðum!!!!

Legg til að flaggað verði í hálfa stöng hvert ár hér eftir á valdatökudegi Jóns Gnarr og Dags í Reykjavík.

Starfsmönnum fækkað um 90

Hringavitleysa

Hvernig geta þessir menn Ögmundur og Steingrímur og já allir VG ráðherrarnir verið á móti því að Ísland styðji NATO hernaðaraðgerðir en setið í ríkisstjórn sem samþykkir slíka ákvörðun og fullyrt að þeirra flokkur VG myndi aldrei samþykkja slíka stuðningsyfirlýsingu ríkisstjórnar sem þeir sjálfir sitja í.

Er þetta fólk algerlega ískalt í lygunum.

Verið að grafa undan vægi SÞ

Já eða Nei í skattaframtalið.

Líst vel á þá hugmynd sem ég las hjá einhverjum áðan á blogginu, að leysa Icesavemálið með því að setja valmöguleika í skattaframtalið:
1. "JÁ" ég tek hlutfallslega ábyrgð á því sem þarf að greiða í Icesave næstu 16 árin" og

2. "NEI ég vil ekki greiða og taka ábyrgð"

Þannig er komin sátt í samfélagið þeir sem vilja greiða með sköttum sínum Icesave geta þá merkt við það í skattaframtalinu og þeir sem ekki vilja taka ekki þátt í að greiða Bretum og Hollendingum segja einfaldlega nei í framtalinu.

Einfalt og sanngjarnt.

Sápustykkispólitík

Við erum ekki á móti en samt ekki með, við mótmælum ekki en erum samt ekki meðmælt, við styðjum ekki en höfum samt skilning á bla bla bla ....

Aldrei neitt hreint og klárt allt í þoku og öðrum að kenna.

Höfum ekki lýst yfir stuðningi við loftárásir á Líbíu

"Ekki benda á mig"

Væri ekki nær að "hlutlaus rýnihópur" fari yfir störf ráðgjafans og ráðuneytisins til að dæma um hvort hæfnismatið sé byggt á vandaðri stjórnsýslu og jafnréttislögum. Samkv. úrskurði kærunefndar var það forsætisráðuneytið sem braut lög ekki kærunefndin sjálf.

Fjórar konur og einn karl

Valdarán Jóhönnu eða valdatíð

Þegar ríkisstjórn tekur ákvarðanir þar sem vilji meirihlutans er fótum troðinn og æðsta dómsvald þjóðarinnar sett til hliðar með framhjátengingu á lýðræðinu þá er valdarán hugtakið sem við á.

Með því að ekki á að kjósa upp á nýtt til stjórnlagaþings er meirihlutavald þjóðarinnar gert óvirkt með lagasetningaklæjum.

Ef setja á upp Berlínarmúr á milli þjóðarinnar og fámennrar klíku flokkspotara af höfuðborgarsvæðinu þá þarf að leita til nokkurra ríkja í suður-Ameríku til að finna sambærilega stjórnunarhætti, þeir finnast ekki lengur í Evrópu.

Ekki kosið til stjórnlagaþings

Össur kominn á sannleikshlaupabrautina

„Ástæðan er ekki síst sú að þessi samningsniðurstaða er allt öðruvísi en sú sem síðast var kynnt. Þá var hún borin fram af ríkisstjórninni einni en í dag er um að ræða niðurstöðu ferlis sem allir stjórnmálaflokkar komu að og stærsti
stjórnarandstöðuflokkurinn styður.“ Segir Össur Skarphéðinsson.

Er Icesave lll ekki stjórnarfrumvarp heldur samstarfsverkefni allra flokka á þingi?

Icesave l og ll og lll eru bara misstór stykki í nærbuxum þessarar ríkisstjórnar sem hún ætlar að troða ofan í kok íslenskra skattgreiðenda en þeir bara neita að opna munninn.

Eftir öllum leikreglum lýðræðissins á þessi stjórn að sjálfsögðu að segja af sér það átti hún að gera strax eftir að hún samþykkti Svavars samninginn.

Ríkisstjórnin ekki undir